【快閃圖書館抵達YM²裕民坊】
香港悅讀周節目多姿多彩，又點少得快閃圖書館？登登登登～快閃圖書館將會喺今個星期日抵達觀塘YM²裕民坊！到時會為大家送上一系列嘅精彩閱讀活動，無論大朋友、小朋友都可以用唔同感官享受一場精彩中華文化盛宴！
提提你，記得預早喺呢個貼文下面留言「我想去快閃圖書館！」，然後將留言截圖，到時去接待處（L1中庭）show俾我哋嘅小幫手睇，就可以獲得精美紀念品乙份~數量有限，換完即止。約定你活動見！
日期：2024年4月28日（星期日）
時間：11am- 6pm
地點：YM²裕民坊（九龍觀塘協和街33號）
精彩活動：
「喜」動圖書館：小型活動車將停泊喺商場門口，上面有為大家精心挑選嘅好書，歡迎帶備圖書證借返屋企慢慢細閱
主題閱讀區暨書籍展覽：準備咗各式各樣嘅中華文化主題書籍，到時可以坐喺閱讀區慢慢打書釘
互動故事裝置：暢玩同三國演義有關嘅小遊戲，跳入古代同諸葛亮並肩作戰
電子資源體驗：試用公共圖書館豐富嘅電子書同電子資料庫，亦有專人負責解答疑難
特備節目：
中國歷史人物角色扮演及中樂表演：一邊觀賞漢服表演，一邊欣賞由中樂團現場演奏嘅流行曲，盡情享受呢場視覺同聽覺嘅雙重盛宴
故事大使講故事：故事大使會即場講故仔，記得早啲過嚟霸定位喇
中華文化手工藝體驗：當日會有活字印刷同線香製作嘅工作坊，千祈唔好錯過咁精彩嘅活動呀~
「活力仔」及「思文喵」見面會：呢場盛事當然唔少得康文署兩位吉祥物啦！好開心邀請到兩位吉祥物到訪YM²裕民坊，到時記得同佢哋打卡影相喇~
緊貼JetsoBear Facebook，唔好錯過著數情報。
JetsoBear網單純搜羅著數情報及報道內容，對買賣雙方的交易不會負責。JetsoBear於本網站中的角色只是為你提供資訊及商戶連結，而並非買賣一方或其代表或代理。所有資料根據連結內商戶直接提供為準，商戶並可能隨時更改。
圖片及資料來源：
YM² 裕民坊