GOODS-CO 社區轉物會 天水圍 免費送贈或接收二手物品

GOODS-CO走入天水圍！下個星期六 (1月20日) GOODS-CO將會同 聖雅各福群會- 家庭喜聚 合作，舉辦「社區轉物會」。

每場「社區轉物會」都會設置「遊戲區」同「資訊區」，以增加大家對二手重用文化嘅認識，仲有處理閒置或二手物品小貼士。而且仲會設置「二手轉物區」，可以即場免費接收二手嘅小型家電、兒童用品或廚房用具。

#天恒 、 #天澤 、 #天逸 嘅街坊亦可以帶同二手 #小型家電 、 #兒童用品 或 #廚房用具 免費送俾有需要嘅人。到時一齊嚟玩啦！

轉物會詳情
日期：1月20日 (星期六)
時間：下午2:00 – 5:00
地點：家庭喜聚(天水圍天恒邨停車場大樓B翼5樓)

轉物詳情
街坊可即場接收二手好物；亦可以帶同指定二手好物，免費轉贈至有需要人士。
物品狀況：確保能夠獲得二次利用，功能或外觀請有八成新。
物品類型：小型家電、兒童用品、廚房用具
小型家電 [四電一腦以外的電器，例如風扇、電話、風筒、吸塵機、燙斗、LED燈等]
兒童用品 [玩具(毛公仔除外)、文具、精品]
廚房用具 [煮食用具、食物盒，例如多功能煲、電磁爐、電水壺、電飯煲、蒸焗爐等]
＊其他類型建議用GOODS-CO平台免費送出或接收

惡劣天氣安排：
如活動前一天下午2時或之後懸掛八號或以上颱風訊號，當日活動將會取消。
如活動當日前3小時之後懸掛紅色或黑色暴雨，當日活動將會取消。

一齊締造一個既關愛又可持續發展嘅社會
部份二手好物更會經由GOODS-CO免費轉贈至230+個社福機構，以及於日後所舉辦的社區轉物會中，免費轉贈至有需要人士手上。