約定你！「公民教育展覽」 @香港書展2025
又到暑假喇！小泥子同王子除咗盡情去玩之外，當然唔少得參加一年一度喺書展期間舉行嘅「公民教育展覽」啦！今年展覽有一系列有趣嘅攤位遊戲，大家可以邊玩邊認識《憲法》、《基本法》同了解國家歷史，從而建立國民身份認同感。成功完成遊戲，仲有機會得到多款限量紀念品，包括小泥子造型杯蓋、泥貓迷你掛鈎袋同精美砌圖等，唔嚟就走寶喇！
香港書展下星期三（7月16日）就開始，而喺7月18日朝早11點舉行嘅公民教育展覽典禮更有歌唱、粵劇同芭蕾舞表演等，為觀眾帶嚟一場中西文化藝術嘅視聽享受，各位千祈唔好錯過！大家快啲約定一眾親友，嚟「公民教育展覽」玩遊戲，兼帶走豐富紀念品！
【公民教育展覽】
日期︰7月16至22日
地點︰灣仔會議展覽中心展覽廳3B「兒童天地」攤位3B-B34
圖片及資料來源：
公民教育委員會