【「環境及自然保育基金資助 產品包裝回收及裸買概念社區推廣活動」九龍站今日開始喇！】喺「環境及自然保育基金」嘅資助下，本會喺港九新界舉辦3個「產品包裝回收計劃」街站活動，向市民推廣包裝回收及裸買概念。
上月第1個街站已經喺新界青衣順利完成，錯過咗嘅朋友今次記得過嚟九龍參加喇！街站10月14日起一連4日會喺竹園街市舉行，歡迎各位朋友到場了解點樣透過產品包裝獲取回收同裸買資訊，一齊努力減廢同促進資源循環再用。
現場參與嘅朋友仲可以玩小遊戲，獲取飲品、食品、日用品、購物禮劵等禮品，仲可以自攜容器到場裝洗衣液、洗潔精同沐浴露體驗裸買，即刻帶埋屋企人同朋友參加啦！
＊禮品款式隨機派發，數量有限，派完即止
活動詳情：
日期：2025年 10月 14 – 17日
時間：10:00 – 18:00
地點：九龍黃大仙竹園街市
圖片及資料來源：
GS1