東涌海濱花燈節公仔機遊戲送限定紀念品

【東涌海濱2025花燈節期間限定活動 – 打卡分享換好禮！】今年嘅「東涌海濱花燈節」開始咗差唔多一個禮拜，成個海濱長廊同埋東涌社區聯絡中心外圍都已經佈置好晒啦！海濱長廊中央擺放咗一個大型月球裝置，沿住海濱長廊行仲會見到一個心型拱門，連同可愛嘅全運會吉祥物「喜洋洋」和「樂融融」已經成為「打卡」勝地，入夜之後後仲會發光。講起吉祥物，當然唔少得土木工程拓展署嘅「工程獅」，佢地仲著上咗中秋節同運動主題嘅服飾，等住同你「打卡」！

提提大家，由10月4日至10月7日(中秋節翌日假期），花燈節期間限定嘅「工程獅夾公仔機」將會進駐東涌社區聯絡中心。大家只要喺社交媒體上分享你喺花燈節或東涌東海濱長廊打卡嘅靚相或者轉發專頁嘅貼文即可參加夾公仔機遊戲，換取期間限定紀念品。禮物數量有限，送完即止，唔好錯過！

有關「東涌海濱2025花燈節」
活動日期：2025年9月27日至10月12日（註）
亮燈時間：每日晚上7時至10時
（10月6日中秋節及10月7日中秋節翌日假期延長至晚上12時）
地點：東涌東海濱長廊

註：開放日期或因天氣情況而調整。請密切留意南拓展及可持續大嶼辦事處社交平台發布嘅最新消息。