九巴「夏日賞童遊」小童免費搭巴士

【「夏日賞童遊」小童免費搭巴士】「夏日賞童遊」強勢回歸！各位爹哋媽咪，準備好同小朋友放假一齊免費遊香港，玩轉暑假未呢？

由7月1日開始到8月31號，連續10個星期日同公眾假期，小朋友只要用小童八達通拍卡搭九巴同龍運，活動當日超過450條路線即變$0，你無聽錯，係搭幾多程都唔使錢啊！今年仲有黃色「陽光沙灘」主題巴士，將會主力行駛路線170，隨時就喺你身邊出現！偷偷地同你講，嚟緊仲會有唔同快閃活動，有機會拎走精美禮品！想知詳情就要密切留意九巴仔最新動向喇！