【捐玩具．傳愛心】救世軍聖誕義賣市集約定你 ！
想過一個充滿意義嘅聖誕？嚟救世軍聖誕義賣市集就啱晒！
由11月24日至12月7日，將於中環萬宜大廈商場設置快閃義賣市集。現場除咗聖誕系列嘅天使鎖匙扣及T恤，仲有多款環保又型格嘅牛仔永續布袋。每款都係只此一件，獨一無二㗎！當然唔少得救世軍95周年推出嘅「原木手機座」，有興趣嘅朋友，記得多多捧場啦！
特別呼籲︰
請大家帶埋包裝完好或全新嘅捐贈玩具過嚟，為有需要嘅小朋友送上最窩心嘅聖誕禮物，一齊將愛心傳開去！
【救世軍聖誕義賣市集】
日期︰11月24日至12月7日
地點：中環德輔道中68號萬宜大廈商場一樓展區A
時間：11am – 7pm
【玩具收集點】
中環德輔道中68號萬宜大廈商場一樓展區A﹙11月24日至12月7日 11am-7pm)
救世軍總部 – 油麻地永星里11號地下（即日至12月12日，星期一至五 9am-5pm）
圖片及資料來源：
救世軍