【九巴彩虹回憶Encore再加碼】見到上次咁開心，九巴仔成功幫大家爭取到九巴彩虹回憶Encore再加碼！
今次唔單止可以同曾經服務彩虹嘅真熱狗巴士「三門巨龍」近距離接觸，現場仲會有超經典嘅古董巴士凳畀大家可以盡情打卡！當日活動期間，仲會限量派發唔同紀念品，包括「茶水站」立牌同埋印有經典巴士駛經彩虹邨嘅明信片，一齊為彩虹邨重建前留下更多美好回憶！
最開心嘅係…當日路線203E將會主力換上仿「烏嘴狗」塗裝嘅復古巴士帶你「遊車河」，快啲約埋朋友一齊感受九巴彩虹回憶啦！
詳情：
日期：2025年7月6日（星期日）
時間：下午2時至6時
地點：彩虹巴士總站（前茶水站旁）
如果參與人數眾多，請遵守現場工作人員指示排隊輪候。
圖片及資料來源：
KMB 九巴