今個星期六，LAP將會聯同寵物傢俬品牌 NEVER ALONE陪我 於灣仔茂蘿街7號舉行領養日。
究竟寵物傢俬係乜東東呢？相信各位貓奴狗奴都有以下經歷：每當你坐上梳化 ，主子總係會跟實你，為咗保護傢俱，有人唔畀貓狗上梳化，亦有人白白睇住梳化被毛孩們咬爛同刮花。NEVER ALONE因此而誕生，目標為大家提供容易打理，唔怕被貓狗整花嘅傢俬。
活動當日，將有可愛嘅毛孩等待有心人領養。除咗LAP嘅慈善義賣之外，NEVER ALONE 將會將部分預售寵物傢俬的收益撥捐畀LAP，快快來支持呢個咁有意義嘅活動啦！
活動更設有毛孩全家福合照區，等你同你的毛孩影張全家福！仲唔快啲叫埋你嘅親朋戚友同毛孩齊齊參加？免費架！
日期：4月20 （星期六）
時間：12:00 – 17:30
地址：灣仔茂蘿街7號