【 3 月 21 日「體重管理 X 日行萬步挑戰」嘉年華 】為響應尋日公布嘅《體重管理行動計劃》，呼籲全港市民一齊參與，好好管理體重，齊建健康同活力嘅香港，衞生署即將舉行「體重管理 X 日行萬步挑戰」嘉年華。活動免費入場，有多個好玩又充滿動力嘅遊戲攤位，仲可以帶本獅同郁獅嘅精美禮品返屋企，你哋又點可以錯過呀！
「體重管理 X 日行萬步挑戰」嘉年華
日期：3 月 21 日 (星期六)
地點：西九文化區藝術公園海濱西草坪
時間：12:30 – 16:00
免費入場～
除咗 攤位遊戲，同場仲有好多精彩表演，豐富節目： 樂隊表演、 花式跳繩、花式劍球、舞蹈表演、 五禽戲、花式足球、體操表演等，大人細路都啱玩，開心之餘仲可以提升健康同體重管理意識！
快啲 mark 定日子！ 帶埋一家大細、朋友一齊嚟郁一郁，體驗「郁多啲，健康啲」嘅樂趣，一齊邁向理想體重同身心健康啦 ！
現場當然唔少得本獅同郁獅一齊互動打卡 ，攞走健康小貼士同滿滿活力正能量！～ 千祈唔好錯過呢個咁好玩又健康嘅嘉年華，本獅約定你，3月21號，西九文化區藝術公園海濱西草坪見 ！
圖片及資料來源：
匿獅