抗戰影像回眸 《民族的吼聲》免費門票派發 #香港電影資料館
戰爭令生靈塗炭，又令百姓嘅生活苦不堪言，所以我哋要好好珍惜和平嘅日子。為紀念中國人民 #抗日戰爭 勝利，嚟緊9月1日及9月8日下午3點，喺 #香港電影資料館電影院 會放映入選「 #百部不可不看的香港電影」，兼由 #張瑛、 #馮峰、 #吳回、 #曹達華 等演出嘅《民族的吼聲》（1941）。
影片講述抗日戰爭期間基層生活艱苦，奸商壓榨窮苦工人，又盜取軍需物資賣俾敵人，最終由張瑛飾演嘅知識份子帶領工人游擊隊齊心協力阻截奸商偷運物資。由於影片描畫戰爭嘅慘烈、人民嘅苦況，仲加插咗戰區嘅真實畫面，所以多咗一份關顧貧苦嘅反戰氣息。
如果 #康文粉 都想欣賞呢部咁有意義嘅電影，mark低免費門票嘅派發詳情啦
派發日期：8月4日(星期日)起，逢星期一、三至日
時間：上午10點至晚上8點
地點：香港電影資料館詢問處
免費派發門票，每人限取2張，先到先得，派完即止
仲有少量現場名額大家可以喺放映開場前45分鐘喺資料館一樓大堂排隊領取，每人限取1張，名額有限，先到先得，額滿即止。
圖片及資料來源：
康文署