7月1日 免費使用康文署轄下多個康樂同文博設施

【大把時間可以慢慢申請】7月1日免費玩 預訂康樂設施新安排 #特區成立27周年

政府公布咗慶祝特區成立27周年一系列嘅活動！其中一個好消息，就係7月1日大家又有機會免費使用康文署轄下多個康樂同文博設施喇

留意返！今年預訂康樂設施有新安排，市民可以透過「#SmartPLAY康體通」，提交7月1日可供預訂嘅免費康樂設施段節抽籤申請，記得mark低以下重要日子詳情，仲可以睇埋教學短片，逐個步驟跟住做，咁就easy job喇

教學短片傳送門：
( youtu.be/aAG6cyIYx4Y ) (以流動應用程式示範)
( youtu.be/exnuT8X0u-0 ) (以智能自助服務站示範)

6月12日至18日：透過「SmartPLAY康體通」提交申請
每份申請可包括三個抽籤選項
提交咗嘅申請選項，喺6月18日晚上11時59分截止前仍可以更改及確認重新提交

6月21日：公布電腦抽籤分配結果

成功中籤嘅用戶會收到SmartPLAY系統通知，中咗籤唔需要確認。但如果去唔到，最遲6月30日就要透過SmartPLAY取消預訂，否則會被記錄違規㗎。

注意：每人只可預訂一節免收費嘅康樂設施，不論類別。系統唔會接受市民超額預訂設施嘅申請㗎～

接受免費預訂嘅康樂設施包括：

室內康樂設施：羽毛球場、網球場、籃球場、投球場、排球場、壁球場、乒乓球枱、美式桌球枱、英式桌球枱、運動攀登牆、草地滾球場、高爾夫球設施、健身室、活動室、舞蹈室同單車賽道

戶外康樂設施：網球場、網球練習場、草地滾球場、棒球練習場、運動攀登牆、射箭場同高爾夫球設施（唔包括營地設施、運動場、人造草地球場同天然草地球場）

公眾游泳池：唔需要預約，想去游水嘅只需要喺泳池開放時段前，喺泳池入口處排隊輪候，名額先到先得，額滿即止（唔包括灣仔游泳池同因改建工程而暫停開放嘅九龍仔游泳池）

水上活動中心艇隻（創興水上活動中心嘅康樂獨木舟、水上單車、舢舨同彩艇只供營友免費使用）

如果要預訂健身室、單車賽道、運動攀登牆、射箭場以及水上活動中心艇隻，須持有相關嘅資歷證明，詳情可以睇呢度
( www.lcsd.gov.hk/tc/freeuseday/conditions.html )

除咗康樂設施，康文署喺7月1日仲會免費開放平日收費嘅博物館展覽