新世界 公開發售1萬盒 香港製 Level 2 口罩 買一捐一 附Q&A

忍咗咁耐，終於可以同大家宣布，新世界口罩將會公開發售！而且仲會舉行「您買一盒 我捐一盒」計劃，您每買一盒口罩，新世界就會透過指定非牟利機構跟機捐一盒俾弱勢社群。知道大家有千千萬萬個問題，例如幾時開售，點訂，幾時有貨等。想知開售詳情？即睇以下Q&A！

1) 幾時公開發售？點登記？
盒裝口罩以「先登記後抽籤」方式訂購，唔係先到先得，大家唔需要心急鬥快湧入登記系統！

先登記：有興趣購買人士，可於8月17日（星期一）中午12時至8月21日（星期五）中午12時，登入訂購網站 ( publicsales.lovewithoutborders.hk/ )，輸入簡單資料包括姓名、電話號碼及電郵地址等，同時可選擇口罩顏色、尺碼（成人及兒童）、以及接受捐贈嘅非牟利機構。首批預售嘅盒裝成人及兒童口罩名額共10,000盒。請注意，每位登記人士以2盒為單位購買口罩，每人最多限購2盒。
後抽籤：如超額認購，系統將會進行電腦抽籤。抽籤結果將於8月26日（星期三）透過電郵公布，中籤者可於8月28日（星期五）下午6時前，透過電郵內嘅連結付款同選擇提貨點。非中籤者亦會收到電郵確認登記，為保障所有抽籤者個人私隱，其個人資料不會自動保存至下輪公開發售。

2) 「您買一盒 我捐一盒」即係點？
每位透過網站訂購盒裝口罩嘅市民，可以從「香港病人組織聯盟」、「香港婦女勞工協會」、「長者安居協會」、「協康會」及「兒童心臟基金會」五個非牟利機構中，揀選其中一間心儀受助機構。新世界將會捐出與售出同等數量嘅盒裝口罩予有關機構，並由該機構轉贈口罩予基層及弱勢社群。

3) 口罩規格係點？
通過國際測試，達到ASTM Level 2級別
BFE、PFE 98%
香港製造，無塵間取得ISO 8認證
每盒成人及兒童盒裝口罩均設有30片獨立包裝

4) 有咩尺碼同顏色揀？
成人口罩尺碼為175mm X 95mm，兒童則為145mm X 95mm。
目前成人盒裝口罩有3隻色，包括白色、綠色同灰色，而兒童盒裝口罩只有白色。由於顏色口罩限量出產，每張訂單只可購買一盒綠色或灰色口罩。

5) 成人同兒童口罩一盒幾錢？有幾多個？
成人盒裝口罩（一盒30片獨立包裝）
白色：84港元
綠色或灰色：108港元

兒童盒裝口罩（一盒30片獨立包裝）
白色：84港元

6) 運費幾多錢？
每張訂單運費為30港元，現有或於訂購時登記成為New World Club會員人士即可獲豁免。

7) 點先做到New World Club會員？
大家登入訂購網站 ( publicsales.lovewithoutborders.hk/ ) 填寫資料時，喺會員資格一欄中剔返做會員即可。

8) 有咩付款方法？
購買口罩人士可以選擇使用Visa、Mastercard、Apple Pay或Google Pay付款，而信用卡公司將每次收取10港元作為手續費。

9) 幾時發貨？
成功訂購人士將於9月收到出貨通知電郵，大家可按照指示及速遞公司嘅短訊前往所選地點領取口罩。

10) 收集個人資料有咩用途？
收集個人資料只用作口罩預售及有關程序之用，所有非New World Club會員登記人士嘅個人資料將會於發貨後被銷毀。

11) 仲有好多嘢想問喎！
如有其他疑問，可以致電新世界查詢熱線3128 8266（周一至六上午10時至下午6時接聽，星期日及公眾假期休息）或電郵至 publicsale@lovewithoutborders.hk 查詢。

唔好錯過口罩消息： bit.ly/2T4Wjuj
選購口罩需留意質素及真偽，著數熊網單純內容報道，對買賣雙方的交易不會負責。