【#ManntainHealth — 漂白水存放及使用須知】
防疫期間大家都不斷加強個人同家居清潔，唔少人都會買定幾枝漂白水看門口，做足長期抗疫嘅心理準備！但你又知唔知使用同存放漂白水嗰陣，都有唔少地方要注意？
漂白水存放須知
漂白水開封後，最好於半年至一年内用完，並留意生產及有效日期
存放時間越長，漂白水嘅殺菌能力越低
未經稀釋嘅漂白水應存放在陰涼乾爽嘅地方，避免高溫及陽光照射，並擺放在兒童接觸不到嘅地方
稀釋／使用漂白水須知
漂白水只能用冷水稀釋
漂白水稀釋之後，最好在24小時內用完，因爲漂白水中嘅有效成分會隨時間分解，存放時間越長，殺菌能力便會越低
漂白水會刺激黏膜、皮膚及呼吸道，所以稀釋及使用漂白水時應佩戴口罩、手套及護眼罩等防護裝備
切勿將漂白水混和其他家用清潔劑一同使用，以免大大減弱漂白水嘅氧化能力
一般家居消毒應使用1比99*漂白水；在消毒被嘔吐物、排泄物或分泌物沾污嘅物品時，應提高漂白水比例至1比49*
避免用於金屬、羊毛、尼龍、絲綢、染色布料及油漆表面
切勿將高濃度、未經稀釋嘅漂白水倒進水渠，以免腐蝕金屬管道而造成洩漏
記住以上嘅小貼士，以後用漂白水消毒嘅時候就加倍安心啦！想知道更多防疫資訊，就要密切留意萬寧Facebook Page嘅Update啦！
*比例基於漂白水嘅次氯酸鈉濃度為5.25%來釐定
圖片及資料來源：
Mannings 萬寧
緊貼JetsoBear Facebook，唔好錯過著數情報。
JetsoBear網單純搜羅著數情報及報道內容，對買賣雙方的交易不會負責。JetsoBear於本網站中的角色只是為你提供資訊及商戶連結，而並非買賣一方或其代表或代理。所有資料根據連結內商戶直接提供為準，商戶並可能隨時更改。