萬寧回收藥物計劃

【重視你每健事】萬寧回收藥物計劃啟動 守護環境及社區健康

你知唔知如果將過期或者唔要嘅藥物就咁掉落垃圾桶或者沖落廁所，藥物嘅化學成份可能會滲入泥土或溶入海水，對環境生態造成污染，更有機會進入食物鏈威脅人體健康！

萬寧一直致力守護環境及社區健康，今日正式啟動「回收藥物計劃」！有見上年大家踴躍參與，今年我哋擴大計劃規模至港九新界近 60 間萬寧藥房分店，各區有部份藥房分店喺星期日及公眾假期亦會繼續營業，為大家提供更方便嘅藥物回收服務。

由 2024 年 6 月 7 日至 7 月 4 日期間，你可以將過期或者唔要嘅藥物放入萬寧藥房店內嘅「藥物回收箱」*，所收集嘅藥餘會轉交到由環境保護署認可嘅化學廢物收集商，然後再送到化學廢物處理中心妥善銷毀。我哋希望與更多市民攜手回收藥餘，並提高大眾正確處理藥餘嘅意識，以減低對環境及人體健康嘅影響。

如果你屋企都有過咗期或者唔要嘅藥物， 就記得拎嚟萬寧藥房回收啦，一齊為保護環境同社區健康出一分力！

Click 入嚟睇睇邊間萬寧藥房可以回收藥餘

*只限固體藥丸，不包括危險藥物及藥水。

*萬寧藥劑師當值期間方能提供回收藥物服務；若藥劑師未能提供服務時，請勿將藥物投進回收箱。