【重視你每健事】萬寧再度加推「回收藥物計劃」
如果藥物棄置不當，藥物嘅化學成份可能會滲入泥土或溶入海水，對環境生態造成污染，更有機會進入食物鏈威脅人體健康。
作為全港第一間提供藥物回收服務嘅大型連鎖社區藥房，萬寧喺今年 6 月推出爲期一個月嘅「回收藥物計劃」中，總共收集到超過 330 萬粒剩餘或過期藥丸，數量為上年回收量嘅 2 倍！有見大眾對回收藥物服務嘅需求，萬寧即日起再度加推服務！
由 11 月 1 日至 28 日期間喺全港萬寧藥房（機場分店除外）設立「藥物回收箱」，收集過期或剩餘藥物*，所收集嘅藥餘會轉交到由環境保護署認可嘅化學廢物收集商，然後再送到化學廢物處理中心妥善銷毀，以減低對環境及人體健康嘅影響。
如果屋企有過期或者唔要嘅藥物，就可以喺藥劑師當值期間，拎嚟萬寧藥房回收。養成正確棄置藥餘嘅習慣，一齊為保護環境同社區健康出一分力！
*只限固體藥丸，不包括危險藥物、藥水及中成藥。
*萬寧藥劑師當值期間方能提供回收藥物服務；若藥劑師未能提供服務時，請勿將藥物投進回收箱。
Click 入嚟睇睇邊間萬寧藥房可以回收藥餘
圖片及資料來源：
Mannings 萬寧