有關「Maskology 口罩．學」 預售流程示範 同 Q & A

有關「Maskology 口罩．學」 預售流程示範（有片）同 Q & A

眨吓眼，4月24日就係「Maskology 口罩．學」預售嘅大日子 兩位港爸忙到甩輥就梗架啦~ Maskology全個團隊都開行晒 turbo ，為預售趕工，小編亦繼續努力回答大家嘅問題

多謝大家一直以來嘅嘅支持 下面綜合咗常見嘅提問，等小編同大家解釋清楚啦

Q1: 預售需填寫甚麼資料？
A：（1）要電郵地址 ，接收購買連結。（2）填寫收貨人姓名同埋聯絡電話。（3）若選擇送貨上門，就要輸入埋送貨地址。

Q2: 口罩自取點同開放時間嘅詳細資料？
A: 「Maskology 口罩．學」合作伙伴的門市免費自取台資料如下：
– BaruruStore: 觀塘巧明街116-118號萬年工業大廈10樓B2-3室（星期一至六下午一時至晚上七時三十分）
– Neato: 荔枝角億利工業中心4樓416B室（星期一至日中午十二時至晚上八時）

收到領取電郵後，請喺指定時間去你所選擇嘅自取點拎口罩。

Q3: 你們有預售小童/成人裝嗎？
A: 由於資源所限，Maskology目前計劃先做好中童size，如果將來條件許可，會積極考慮做埋幼童口罩。‍‍

Q4: 可以到便利店取貨嗎？
A: 客人可以選用「順豐速運」送貨到指定之順便智能櫃、順豐站自取，當中包括部份OK便利店和7-Eleven，還有Shell 油站。

Q5: 「Maskology 口罩．學」嘅學童口罩適合幾多歲嘅小朋友使用?
A: Maskology搵團隊成員嘅屋企人試過，3歲到18歲都用到架！由於每位小朋友嘅面形同大小都唔同，所以都係以口罩尺寸為準。「Maskology 口罩‧學 」嘅學童口罩尺吋為14.5cm x 9.5cm。

Q6: 請問「Maskology 口罩．學」嘅口罩係咩規格？
A: 「Maskology 口罩．學」學童口罩採用細菌過濾效率（BFE）達99%或以上之原材料，產品將會作歐盟EN14683 Type II (BFE > 98%）及美國ASTM Level 1 (BFE > 95%；PFE > 95%）標準認證。

Q7. 除咗BFE，你哋嘅口罩有無PFE架?
A: 根據供應商提供嘅Nelson Labs 化驗報告顯示BFE>99.9%。而我哋亦喺香港為原材料做咗ASTM F2299快速檢測，檢測結果為3.0µm >99.9%、PFE=96.1%（即係應該可以滿足ASTM Level 1 同埋EN14683 Type II 認證嘅相關標準）。同時，我哋已經將原材料送往SGS作 PFE 測試。 當順利投產後，我哋會再將整個口罩（包括底面層）再進行一次終極檢測。

另外，由於有好多朋友都查詢有關預售流程，小編準備咗條片畀大家，片中會由登記到畀錢一步步示範畀大家睇，等大家了解多啲聽日預售嘅步驟

最後再提提大家，「Maskology 口罩．學」會喺4月23日下午12時正開始預售，預售網址係: ( maskology.com.hk )

唔好錯過口罩消息： bit.ly/2T4Wjuj

選購口罩需留意質素及真偽，著數熊網單純內容報道，對買賣雙方的交易不會負責。