有關「Maskology 口罩．學」學童口罩嘅設計
相信有部份朋友已經收到「Maskology 口罩．學」嘅學童口罩，兩位港爸想趁呢個時候同大家分享吓喺口罩設計上嘅小心思。
1. 鼻梁條：兩位港爸選擇用塑膠而唔係鐵線，原因有二：（1）小朋友比較細個，有機會唔覺意將鼻梁條弄出，而鐵線比較尖，有機會刮親 ；（2）小朋友鼻骨未必發育完成，應盡量避免大力按落去；而鐵線鼻梁條會較容易令使用者戴咗口罩後，先至用力按落鼻梁去調整。
建議大家，幫幫或提醒小朋友，戴上口罩之前，可先屈一屈膠鼻梁條，減少因要㩒鼻梁條而影響到鼻骨嘅機會。如果小朋友鼻梁比較扁，我哋都聽過有啲家長會唔屈鼻梁條而直接幫小朋友戴
2. 耳帶：兩位港爸為大家預備咗「耳後唔痛」護耳扣，佢有幾格不同鬆緊度選擇，所以我哋刻意將耳帶造長少少，亦令面仔本身比較大嘅學童，唔會因為耳帶過短，戴得太緊而唔舒服。
畀個小貼士大家，護耳扣可以用喺小朋友頭仔後面嘅不同位置！大家可以試吓放邊一個位，同扣去邊一格，先令小朋友最舒服。
兩位港爸同大家一樣，都想搵到最適合自己小朋友嘅產品。如果您對我哋嘅產品有任何意見，歡迎話畀我哋聽，等我哋可以參考，有機會繼續學習、進步。
圖片及資料來源：
Maskology
緊貼JetsoBear Facebook，唔好錯過著數情報。
JetsoBear網單純搜羅著數情報及報道內容，對買賣雙方的交易不會負責。JetsoBear於本網站中的角色只是為你提供資訊及商戶連結，而並非買賣一方或其代表或代理。所有資料根據連結內商戶直接提供為準，商戶並可能隨時更改。