「Maskology A Plastic Ocean Foundation」「減塑」合作企劃 研究推出「Green Mask」即棄口罩

「Maskology A Plastic Ocean Foundation」— 「減塑」合作企劃

過去一年疫情肆虐，個人防護裝備，例如口罩、保護衣、手套等等即棄塑膠製用品需求大增，塑膠廢料問題將會對全球環境造成重大威脅。

有見及此，我哋決定聯同 A Plastic Ocean Foundation 推出三個階段嘅「減塑」合作企劃，研究推出既係生物可降解同時大眾亦能負擔嘅即棄口罩。希望喺保護環境及保護香港人當中取得平衡，構建可持續嘅口罩製造生態。合作企劃內容如下︰

第一階段︰將於2021年3月期間推出「Maskology X A Plastic Ocean Foundation」「#ForThePlanet」即棄口罩系列。該系列將減少80%嘅塑膠包裝及省去非必要嘅紙製包裝物料。

「#ForThePlanet」口罩系列部份收益將撥捐 A Plastic Ocean Foundation， 支持佢哋定期舉辦嘅 #OneTonneLess 海灘 及行山徑清潔活動及教育大眾塑膠污染的情況。

第二階段︰將會研究推出使用生物可降解物料的「Green Mask」即棄口罩，預計口罩使用之布料當中有三分之二為生物可降解物料。

第三階段︰會研究將「Green Mask」所有布料改為生物可降解物料，亦希望將該物料逐一推廣至其他現有產品，進一步加強「減塑」!

塑膠不會被分解，只會因陽光☀及碰撞而破碎成為塑膠微粒，而家並未有科學驗證成功嘅方法可以過濾微塑膠，因此微塑將會入侵我哋嘅食物鏈 或者水源 ，造成莫大傷害！我哋未來將投入更多資源於「減塑」企劃，希望藉此踏出第一步 ，喚醒大家嘅環保意識，期望得到大家嘅支持。