道路安全議會52周年『留心勿搗蛋』道路安全嘉年華 送限量版「留心蛋」紀念品

【道路安全嘉年華再度歸來 滿Fun登陸啟德車站廣場】蛋蛋最近收到好多訊息，想知道今年嘅道路安全議會嘉年華會幾時舉行 這不就來了嗎

「道路安全議會52周年『留心520』道路安全嘉年華」將於12月14日舉行

今年嘉年華以「留心520」做主題，寓意「留心出行，我愛你」，希望大家日常出行都多一份「留心」，身體力行守護道路安全

蛋蛋已經為大家準備好連串嘅精彩活動同豐富嘅紀念品，一齊嚟邊玩邊學道路安全知識啦！最緊要係記得嚟同我Selfie影靚相呀

【 道路安全議會52周年『留心勿搗蛋』道路安全嘉年華 】
日期： 𝟐𝟎𝟐𝟓 年 𝟏𝟐 月 𝟏𝟒 日（星期日）
時間： 𝟏𝟎:𝟎𝟎 – 𝟏𝟏:𝟎𝟎（開幕典禮及頒獎典禮）
𝟏𝟏:𝟎𝟎 – 𝟏𝟔:𝟑𝟎（嘉年華）
地點： 九龍城 啟德車站廣場（鄰近啟德站B出口）
費用：全免

【 嘉年華五大亮點 】
「好心態出行AR」遊戲 – 化身道路安全守護學院學員，完成互動劇情！
18米跳彈床樂園 – 畀小朋友盡情跳躍放電！

挑戰夾公仔機 – 將「留心蛋」帶返屋企！
「改造秀茂坪道交通安全城設計比賽」作品展 – 探索交通安全城未來改造藍圖！

52周年限定紀念品 – 完成遊戲、收集印章，即可獲得限量版「留心蛋」紀念品（所有紀念品數量有限，送完即止）！