因應觀塘綫隧道部分路段需要進行資產更新工作，7月28日觀塘綫太子站至何文田站將會暫停列車服務，但所有車站會照常開放並有服務覆蓋。如果需要去相關嘅港鐵站，可以利用其他鐵路替代路綫或者乘搭免費嘅巴士服務，即刻save低懶人包，提早規劃出行路綫啦！
話說港鐵今年45歲，亦即係話第一條通車嘅觀塘綫都行咗45年了！同大廈需要翻新同保養一樣，港鐵一直都有檢視鐵路基建資產嘅狀態同生命周期，嚟緊就會更換觀塘綫隧道嘅大型金屬吊架，等港鐵可以繼續提供可靠優質鐵路服務俾乘客。
考慮到呢個位置獨特同工程複雜，每晚嘅「黃金兩小時」並唔足夠進行一連串複雜及需時較長嘅工序，同時亦都希望對乘客嘅影響減至最低，所以先決定喺暑假期間嘅一個星期日，即係7月28日，進行呢個項目。
到時記得用埋MTR Mobile計劃搭車路線，預鬆啲時間出門口，咁就萬無一失啦！
緊貼JetsoBear Facebook，唔好錯過著數情報。
JetsoBear網單純搜羅著數情報及報道內容，對買賣雙方的交易不會負責。JetsoBear於本網站中的角色只是為你提供資訊及商戶連結，而並非買賣一方或其代表或代理。所有資料根據連結內商戶直接提供為準，商戶並可能隨時更改。
圖片及資料來源：
MTR