「智方便」推出全新「智方便+」登記功能

【全新「智方便+」登記功能】好消息，「智方便」推出全新「智方便+」登記功能！大家可以透過新版本(3.5.0) 嘅「智方便」App，以iOS 14.0 或以上，或Android 12.0或以上，並具備NFC功能嘅個人手機輕鬆自助登記或升級具有數碼簽署功能嘅「智方便+」，唔需要再親身去自助登記站、郵局或者去揾流動登記服務啦。

未登記「智方便」嘅市民可以透過新版本「智方便」App配合 #手機嘅NFC功能以及新智能身份證，就可以隨時隨地直接登記具有數碼簽署功能嘅「智方便+」，非常方便！

而已登記「智方便」嘅用戶亦將會透過新版本「智方便」App陸續收到「一按升級智方便+」嘅邀請，自行升級「智方便+」！

依家「智方便」嘅登記用戶已經超過280萬喇，有你嘅加入同推薦，相信好快會突破300萬！

提提大家，登記或者升級「智方便+」都係响「智方便」流動應用程式內進行，要小心騙徒籍相關名義發出嘅電話、短訊、電郵等，切勿向不明身份人士提供個人資料，或從短訊、電郵直接點擊不明來歷嘅網站連結呀。

想知道點樣用NFC登記或升級「智方便+」，懶人包即時睇！

你亦都可以去「智方便」專題網站了解登記「智方便+」嘅詳情：
( www.iamsmart.gov.hk/tc/reg.html )

除此之外，大家仍然可以到分佈各區超過50個自助登記站、全港約120間郵局嘅登記服務櫃位或透過流動登記服務登記或升級「智方便+」。(( www.iamsmart.gov.hk/tc/reg_location.html ))

請注意：如果你已經有「智方便+」，就唔使重新登記喇！