PAUL & JOE 2020聖誕彩妝系列 11月9日正式發售 多啦A夢、多啦美與你一齊迎接歡樂佳節

今個冬日，PAUL & JOE派出多啦A夢及多啦美陪伴大家，仲帶嚟別出心裁嘅可愛美妝產品—— #2020聖誕彩妝系列。讓你喺非常2020嘅普天同慶節日之下，都可以展現燦爛微笑，快樂幸福地度過難忘佳節！

充滿多啦A夢風格嘅彩妝百寶袋，可以底面兩用，印上超趣緻多啦A夢及多啦美插圖，並蘊藏多款精緻彩妝產品!
限量版調色妝前隔離霜PJ 好評度超高嘅妝前隔離霜，變身為別注版迷你小瓶裝，瓶頸更掛著可愛嘅多啦美小吊飾。隔離霜特強保濕功效媲美精華素，用後令肌膚洋溢透明感及自然光澤，冬日底妝必備！

光感亮肌粉餅全新版本嘅PJ 光感亮肌蜜粉，蘊含具光學折射作用嘅淺紫色珠光微粒，將暗沉膚色一掃而光，提升臉龐嘅透明感、明亮度、立體感及光澤！ 獨特嘅光感提升亮膚粉末，裝在可愛嘅粉盒之中，係快樂節日期間點可以冇咗佢？

胭脂粉餅靈感來自多啦美粉嫩臉頰嘅珊瑚粉紅色調嘅胭脂， 包裝設計一樣咁別緻，捕捉咗多啦A夢及多啦美歡喜雀躍嘅一面。胭脂帶來羽般輕盈嘅可愛妝感，粉芯表面印有多啦美甜蜜笑面，讓心情都即刻靚晒！

多啦A夢夾心唇膏於2019年首次面世嘅多啦A夢唇膏系列，今年又再度登場喇！每枝唇膏中央都有多啦A夢圖案，唇膏筒設計可愛，頂部鑄有多啦美開心笑臉，令人每次搽唇膏時，都不禁從心底笑出嚟

唇膏的外圍都是閃爍有色唇膏，顯色度高並充滿水潤光澤。中心是潤唇底霜，配方有助增強唇膏嘅貼服度。整枝夾心唇膏可愛又妝效出眾，為雙唇增添鮮艷色彩，又夠晒閃爍，仲長時間持妝，保持完美無暇。

多啦A夢修護唇霜人見人愛嘅多啦美圖案修護唇霜，緊貼櫻唇，鎖住水分，讓雙唇喺冬天保持滋潤柔軟。潤唇霜配方蘊含薰衣草油、有機橄欖油及其他保濕潤膚成分，而香味仲係多啦美最愛小吃「蜜瓜麵包」香氣，令潤唇霜份外誘惑、吸引！
.2020聖誕彩妝系列 將於 11月9日正式發售，而VIP會員更可以於11月5至8日Pre Sale時段搶先購買，萬切錯過！