「守護兒童政策」支援及嘉許計劃成果展覽 送小小豬書簽或卡套

童心幼稚園收到一封神秘嘅匿名告密信：「昨日路過，見到一男人當街打罵K2的婷婷，十分粗暴，望老師留意。」究竟發生咗咩事呢？您可以幫手調查嗎？

邀請大家今個周末 9月12至14日，嚟到大圍圍方 L2 中庭，參與「守護兒童政策」支援及嘉許計劃成果展覽嘅亮點活動——巨大化繪本《守護兒童事件簿》，調查呢單案件嘅真相，過程中唔單止可以了解 #守護兒童政策 點樣幫助我哋及早識別同處理疑似 #虐兒 個案，成功解謎仲可以獲得精美嘅小小豬書簽或卡套𠻹！

另外，守護兒童學校成果展覽亦都不容錯過，一齊嚟睇下參與學校過去一年嘅努力成果，欣賞以「守護兒童」為題嘅精美手工作品，仲有小朋友充滿童真嘅畫作。

無論 #父母、老師，或者關注 #兒童議題 嘅你，都可以一齊 #守護兒童！約定你，9月12至14日，帶埋小朋友黎參與活動，圍方見！

「守護兒童政策」支援及嘉許計劃成果展覽
日期及時間：
9月12日（五）下午1時至7時
9月13日（六）至14日（日）上午11時至傍晚7時
地點：大圍圍方L2中庭

精彩活動：成果展覽、巨大化繪本、親子互動繪本劇場等

*《守護兒童事件簿》故事純屬虛構，展覽中部分情節（如懷疑受虐兒童畫作、虐兒相關新聞剪報等）可能引發不安，請自行斟酌是否觀看。