不知不覺已經踏入四月尾，又係賞花嘅好時候。如果想知道本港有咩賞花好去處，就睇吓下面嘅分享喇！！但記得現時「限聚令」仍然生效，要保持適當嘅社交距離呀！
1) 維多利亞公園
講到賞花，點可以錯過維多利亞公園！維多利亞公園植物種類繁多，唔同季節到訪都有花可賞。春季會有橙紅色嘅花夾雜喺串錢柳嘅垂枝中，亦有花朵盛放時如火焰嘅紅色火焰樹等。除咗園內嘅植物，維多利亞公園仲有一個面積大約兩公頃嘅中央草坪供公眾使用，大家就可以邊賞花邊野餐！
(交通﹕港鐵銅鑼灣站E 出口，沿記利佐治街步行前往或港鐵天后站A2出口，左轉由興發街入口進入公園。)
2) 南昌公園
南昌公園鄰近港鐵南昌站，最為人熟識嘅係園內種植嘅黃花風鈴木。一踏入春季，黃花風鈴木黃色嘅花朵綻放，與身後林立嘅住宅形成鮮明對比，隨意一影都係美照，啱晒大家自拍打卡！除咗黃花風鈴木，南昌公園仲有粉紅色嘅紅花風鈴木，一黃一粉紅任君細賞。
(交通﹕港鐵南昌站D1出口)
3) 香港單車館公園
香港單車館公園集消閒與運動設施於一身，園內除咗有景觀優美嘅人工湖同廣闊嘅大草坪，仲設有包括極限運動場、運動攀登牆等多項康體設施。而園內種植嘅鐘花櫻桃更係不容錯過，粉紅色嘅櫻花喺枝頭綻放，讓人賞心悅目！
(交通﹕坑口站B出口或港鐵至將軍澳站A出口)
香港賞花地點又點止三個咁少！其實大家日常生活中，可以留意居住嘅社區附近，話唔定賞花秘景就係大家屋企不遠處！同時大家要注意安全衛生，咁先賞得開心又放心！
圖片及資料來源：
POLY Joy Club
緊貼JetsoBear Facebook，唔好錯過著數情報。
JetsoBear網單純搜羅著數情報及報道內容，對買賣雙方的交易不會負責。JetsoBear於本網站中的角色只是為你提供資訊及商戶連結，而並非買賣一方或其代表或代理。所有資料根據連結內商戶直接提供為準，商戶並可能隨時更改。