無煙大家庭 #有獎遊戲 送你Nothing Serious 精美禮品

【無煙女性 | 以正向之心治癒自己啦】
留言參與活動有機會得到 Nothing Serious 嘅精美禮品一份！

「好攰、好煩、好大壓力……」忙碌嘅你，適當嘅時候記得要畀自己停低抖抖啊！好似 Nothing Serious 話齋，不要被眼前煙霧所蒙蔽，跨出一步，更美好嘅風景等緊你㗎。

喺香港生活壓力一向都好大，有好多女士仲要身兼多職，番工、教仔、煮飯、做家務，瑣碎事多都到數唔曬。根據統計處資料，多達11.2%嘅吸煙女性以為吸煙可以減壓而開始吸煙，結果適得其反，唔單止減唔到壓，吸煙上癮之後仲為身體同情緒帶來額外負擔！因為煙草中嘅尼古丁係一種烈性興奮劑，會刺激中樞神經，但當身體缺少尼古丁時，個人就會煩燥、焦慮、難以集中等；有人仲會因為二手煙影響到屋企人同朋友而內疚自責。與其比煙草主宰自己情緒，不如同所有煙草產品斷捨離，重新掌控自在自主嘅人生。

每個人都可能有其他人無法理解嘅問題同困境，但係吸煙就絕對唔係一個解決問題同紓壓嘅方法！記得要揾個健康又合適嘅情緒出口，畀自己好好休息，抱住正面嘅心態迎接挑戰，勇敢跨越困難之後，前面嘅景色將會更美麗啊！

面對困難或壓力嘅時候，你會點樣保持樂觀健康嘅心態？留言同我地分享適合女性嘅減壓方法，無煙大家庭會送出一個印有 Nothing Serious 畫作嘅環保袋畀最有創意嘅5位參加者，藉此啟發大家更多減壓好辦法！記得要 Like 埋我哋「無煙大家庭」同埋呢個帖文先留言呀！

遊戲詳情：
玩法：直接於留言欄以文字回覆，分享你的「健康減壓方法建議」，字數不限。
時間：2021年2月17日 – 2021年2月23日 (23:59)
資格：
1. 讚好 「無煙大家庭」 Facebook 專頁
2. 讚好本帖文

條款及細則：( bit.ly/COSHxNothingSerious_TC )

遊戲結果將於2021年3月1日於本專頁公佈。