球迷注意！ 「賽馬會青少年足球精英匯」再度啓航 曼聯U16青年隊來港交流
由 #香港賽馬會 主辦嘅「#賽馬會青少年足球精英匯」闊別四年載譽歸來，將會喺8月6至13日喺本港舉行。曼聯U16青年隊將會訪港，聯同香港U18代表隊及香港青年聯賽選手隊，參與一系列嘅訓練、友誼賽、文化交流活動，包括參觀 #大館 、#香港故宮文化博物館 同埋社區服務等。
曼聯U16青年隊將分別喺8月9同12日同上述本地隊伍對賽。作為香港特區政府「#開心香港」嘅主要活動之一，兩場友誼賽會喺 #旺角大球場 舉行，公眾可以喺7月12日（星期三）早上10點開始，透過活動網頁登記，以獲取免費門票入場觀賽。到時除咗有精彩賽事，仲有曼聯名宿同明星表演嘉賓助陣、現場攤位遊戲同埋打卡機會。門票數量有限，先到先得，派完即止，千祈唔好錯過！
 #馬會 一直致力推動本地足球發展，藉此向社會傳遞正能量。「精英匯」係馬會同埋 #曼聯 同 #中國香港足球總會 喺2017年起攜手合作嘅項目，旨在鼓勵青少年發展，以糅合文化交流、創意啓發同運動訓練，令參加者可以透過接觸唔同嘅人同埋意念以擴闊眼界同社交圈子。
活動詳情
日期 & 開幕儀式時間：
8月9日（星期三）7:45 pm，香港U18代表隊 vs 曼聯U16青年隊
8月12日（星期六）4:45 pm，香港青年聯賽選手隊 vs 曼聯U16青年隊
地點：旺角大球場（九龍旺角花墟道37號）
曼聯名宿：科蘭 Diego Forlán、尼曼查維迪 Nemanja Vidić
緊貼JetsoBear Facebook，唔好錯過著數情報。
JetsoBear網單純搜羅著數情報及報道內容，對買賣雙方的交易不會負責。JetsoBear於本網站中的角色只是為你提供資訊及商戶連結，而並非買賣一方或其代表或代理。所有資料根據連結內商戶直接提供為準，商戶並可能隨時更改。
圖片及資料來源：
香港賽馬會青少年足球發展計劃