【史上第一次掃街唔使洗回收活動】暑假冇嘢做，梗係要約friend 周圍掃街買衫啦！今次The Loops 家居回收同葵涌廣場合作，等大家掃街食嘢同時都可以回收，仲有禮物送添！
嚟緊三個星期五（29/8, 5/9, 12/9）中午12點至夜晚8點，只要拎住你食完嘅食物容器上葵涌廣場3樓（燒烤工房隔離），就可以進行回收啦！無論係飲品膠樽、紙包盒定係外賣餐具，只要喺我哋嘅水站簡單沖洗，就可以放入回收箱～
The Loops 家居回收仲有準備特別禮物俾大家！只要帶三件回收物嚟回收，就可以獲得GreenPrice $20現金卷或者GreenPrice食物袋，掃街食嘢仲可以慳多啲 ！一邊享受美食，一邊為環保出分力，真係一舉兩得！
好多人會問：「呢啲回收物唔係完全乾淨都可以收嘅咩？！」其實我哋收到回收物之後，會將廚餘倒入廚餘機。其他分好類嘅回收物就會先帶返工場破碎同過水。之後加入去油粉徹底清潔，確保乾淨晒先會回收～所以大家可以放心交比The Loops 家居回收！
服務地區包括：將軍澳區、藍田、黃埔、荃灣、美孚、太古、馬鞍山、沙田、烏溪沙、元朗、屯門、天水圍
圖片及資料來源：
The Loops 家居回收