【甜蜜新搞作開心果甜品 x 手作市集登場】開心果關注組請即集合！荃灣廣場誠意呈獻超甜蜜嘅 「開心果甜品 x 手作市集」，一眾開心果忠粉絕對唔可以錯過！
今次市集以超人氣開心果做主題，搜羅多款創意甜品同本地手作精品。每星期都有唔同人氣小店輪流登場，必食推介包括煙韌控最愛嘅CATCHI「 開心果三重奏麻糬」，Madness family 香濃軟滑嘅「開心果味 Gelato」、均香餅家人氣「開心果 Mochi」，仲有最新進駐荃灣廣場嘅 白燕，帶嚟燕窩配合中醫內調概念嘅養生食療，由內甜到外！
現場同時匯聚多位本地匠人嘅精緻手作，無論想搵特色年貨、食好西，定係慢慢行下感受新年氣氛，都啱晒，同大家一齊過個 Sweet 到爆嘅新春！
開心果甜品 x 手作市集
即日起至2月22日
11:30am – 9pm
荃灣廣場 L1 長廊
圖片及資料來源：
荃灣廣場