Twinkle x 天仁 推出三款經典茶味Cupcake

Twinkle同香港天仁茗茶展開驚「天」合作計劃，正式推出「天仁合一杯子蛋糕」！3款口味分別係：鐵觀音奶茶、鮮奶綠同冬瓜茶Cupcake～而家任何買天仁cupcake仲送天仁9折coupon一張*，中意飲茶又中意甜品嘅朋友仔，千祈咪錯過！

天仁鐵觀音奶茶杯子蛋糕：無論係鐵觀音味牛油忌廉定表面嘅茶粉，都保留返鐵觀音嘅醇厚馥郁同烤堅果香，配埋下層鬆軟嘅鐵觀音味牛油蛋糕，食完一定齒頰留香！

天仁鮮奶綠杯子蛋糕：綠茶味牛油忌廉帶綠茶回甘同濃濃奶香，而牛油忌廉表面灑上綠茶粉令綠茶味更濃郁，配埋綠茶味牛油蛋糕底夠晒清新，淨係一件點夠喉？

天仁冬瓜茶杯子蛋糕：冬瓜茶作為台灣別具特色嘅古早味飲品，製成cupcake絕對前所未見‼冬瓜茶味牛油忌廉超香甜，冬瓜茶同細滑牛油結合意外咁match，表面灑埋杏仁碎增添香脆口感，配埋冬瓜茶味牛油蛋糕底仲唔一試難忘？

除咗單件cupcake之外，想一次過試晒3隻味嘅話仲有套餐可以揀㗎～

分店供應：一套六件，可以自己配搭3款cupcake數量。

網店供應：一套六件指定口味，共三套可供選擇。分別係鐵觀音奶茶杯子蛋糕6件裝、鮮奶綠杯子蛋糕6件裝或冬瓜茶杯子蛋糕6件裝。另有一套六件綜合口味，每款口味各兩件。

點做會員：( bit.ly/2Di90OV )

*數量有限，送完即止。如有任何爭議，Twinkle Baker Décor將保留最終決定權。