有時附雜誌出嘅禮品又真係好鬼靚嘅啫，一啲都唔求其，俾足心機設計！
U Magazine 今次就聯乘本地潮牌 ad-lib 推出咗柴犬 P 仔側孭袋！望下個樣先，黑白間條設計型格易襯，容量大而質地輕便，方便帶出街又裝到好多嘢！睇睇內側仲有心思地附加咗拉鍊袋，咁安全指數又提升一度喇！最後加上 P 仔嘅刺繡襟章，精緻有質感，柴犬 fans 唔好錯過，係必搶item呀！
10月11號香港發售喇，澳門遲一日，12號先有得賣！幾多錢，$65咋，有袋有雜誌，正！
呢啲別注版嘅嘢，賣得一本少一本，有限架，go go go，買了喂~~
資料來源：
U Magazine