多謝大家熱烈嘅支持，同舟第一款貓貓口罩已經全數售罄啦(連加印都賣晒啦)不過不過，第二款黃底貓貓口罩仲有好少量現貨真係得返好少好少，賣完就真係變絕版啦
關於第一款白底貓貓口罩 (第一輪購買)
無論客人係揀門市自取同送貨我地都已經發晒貨，如果揀門市自取嘅朋友記住根據電郵所指嘅時間到店取貨(郵箱未收到有機會係垃圾郵件)，而揀送貨嘅朋友我地都將口罩交晒俾運輸公司
如果揀門市未收到取貨電郵 / 揀送貨未收到貨嘅朋友可以Inbox我地查詢
關於第二款黃底貓貓口罩
正如早前預售時講，我地預計會係11月9日開始發貨，如提早到貨我地都會陸續安排出貨俾大家，所以希望大家耐心等候一到貨同事就會加班出貨俾大家
關於第一款加印白底貓貓口罩 (第二轉購買)
訂單一旦確認，同事就會陸續發貨，因為每日返貨數量唔定，所以需時出貨都請揀左門市取貨嘅朋友留意電郵
我地都收到好多朋友問之前買左第二款黃底貓貓口罩，及後再加購左第一款貓貓口罩可唔可以一次過到門市取同埋一齊送
門市自取：因為門市地方有限呀我地建議客人一收到取貨電郵就到店取相關產品
順豐/Top One：因為大部分物流單已經出左同埋單量比較多呀，所以今次難以做到夾單處理希望大家體諒
(因為單量多所以難以幫客人搵到順豐單號，如果客人好耐都未收到口罩都可以告知我地)
唔好錯過口罩消息：jetsobear.com/mask
選購口罩需留意質素及真偽，著數熊網單純內容報道，對買賣雙方的交易不會負責。
圖片及資料來源：
同舟 Unite Mask HK