【花墟節：啡上添花】為2026年叉滿電
聖誕新年日日出去玩，2026 年第一個 weekend，實好‧眼‧瞓。最好就係先飲杯靚咖啡，幫身心reboot叉叉電。
嚟緊星期六、日，一定要嚟旺角花墟，參與全港首個花墟咖啡市集喇！由青途發展社區發展協會 青途 Youth We Go 主辦、市建局合辧嘅「 花墟節：啡上添花」一連兩日舉行。活動以咖啡市集做平台，結合花藝同種植主題，擺放多個市集攤檔同工作坊；更會聯乘花墟商戶提供購物優惠！
咖啡控更加要Mark 實！到時咖啡檔將特別調製「期間限定」嘅「花味咖啡」同精緻小食，咖啡香撞花香，聞一聞已經醒神！想將現場氣氛帶返屋企？現場有免費Henna 手繪體驗，由少數族裔朋友即場幫你畫上精緻花型圖案，亦可以優惠價參加不同工作坊，將手作帶走好好珍藏。
大會仲準備咗扭蛋機體驗，入面有花墟商戶送出嘅精美小禮物等你拎走*。再玩埋「花墟大步走」遊戲，跟住指示去花墟指定地點打卡，完成任務就有記念品*，邊玩邊探索花墟每個角落。
玩到攰，拎住杯咖啡，入「Chill 住飲」地帶，坐喺Camping 櫈，聽住Busker live 唱歌，慢慢放空，幫2026年好好叉電！
小編偷偷地話你知，現場仲有有奬問答遊戲，即場送出$50花墟商戶嘅電子購物券*，記得預留時間，玩夠、拎夠、先至好走！
*禮物數量有限，送完即止
「 花墟節：啡上添花」
日期︰2026年1 月3（六）至4日（日）
時間︰12:00nn 至7:00pm
地點︰旺角大球場對出空地
工作坊報名連結：
圖片及資料來源：
開心建城