【登記購買Nano仔教學 】10000個Nano仔喺5月18日即將開放畀長期病患及殘疾人士登記，準備出發守護大家！所以小編今日詳細講解吓整個登記購買日程，方便大家帶Nano仔返屋企! 記住有7日時間登記，大家可以唔使急，慢慢嚟~ 為咗等Nano仔可以保護多啲人，每人只可以限購1包(10個裝)，希望各位體諒。
登記購買日程
5月18日至24日 – 登記個人資料抽籤
登入登記連結，填寫流動電話號碼、身份證姓名及其他資料(如年齡組別及性別等)。
5月27日 – 公布中籤結果
成功中籤者將於5月27日收到確認短訊，而未中籤者則會收到電郵通知。登記咗嘅人士亦可於5月28日開始，根據指定時段登入短訊提供嘅連結，揀選購買時間及店舖。
5月28日至31日 – 成功中籤者確認購買
成功中籤者必需根據中籤確認短訊入面嘅連結，完成揀選購買地區、日期及專門店。完成後，你嘅登記電郵會收到「口罩購買確認電郵」。
6月8日至17日 – 帶備覆診紙於選取的指定日期及專門店購買
成功中籤者需要根據「口罩購買確認電郵」內嘅日期到指定專門店，向店員出示登記人醫院覆診紙或殘疾人士登記證明(正本/副本)，並以現金付款購買口罩。
注意事項
1.每個電話號碼同電郵只可以登記一次
2.要出示登記人嘅覆診紙或殘疾人士登記證明(正本/副本)先買到口罩㗎
3.可授權親友代購口罩，代購人士需要喺購買當日，喺店內簽署授權證明書
4.唔駛網上付款，到店取貨時先用現金畀錢
5.揀咗專門店同時間就冇得改㗎喇
唔好錯過口罩消息： bit.ly/2T4Wjuj
選購口罩需留意質素及真偽，著數熊網單純內容報道，對買賣雙方的交易不會負責。
圖片及資料來源：
維特健靈 Vita Green
緊貼JetsoBear Facebook，唔好錯過著數情報。
JetsoBear網單純搜羅著數情報及報道內容，對買賣雙方的交易不會負責。JetsoBear於本網站中的角色只是為你提供資訊及商戶連結，而並非買賣一方或其代表或代理。所有資料根據連結內商戶直接提供為準，商戶並可能隨時更改。