嗇色園黃大仙祠「公開試迎戰之夜」丨「麟閣」參拜孔子 送贈考生打氣包
2026年DSE(香港中學文憑考試)首場筆試即將喺4月8日開考；同時間亦有唔少學子正就其他公開試積極備戰。有見考生承受沉重壓力，為作鼓勵，嗇色園黃大仙祠將會喺3月19日、4月2日、4月17日(農曆二月初一、十五，三月初一)晚上6時至9時舉辦「你和義工有個約會 – 公開試迎戰之夜」活動，黃大仙祠亦因此延長開放至晚上時，即刻睇有咩精彩活動同紀念品︰
參拜孔子 啟悟前程
黃大仙祠嘅「麟閣」早於1921年建祠之初經已建成，為香港嘅最早期祀孔場所，相傳孔子出生時，有麒麟口含玉書經過，所以有「麟吐玉書」嘅典故，嗇色園內「麟閣」亦因此得名。
孔聖先師（孔子）素有「萬世師表」之稱，「因材施教」嘅理念正合於時下多元教育嘅潮流。家長及考生向孔聖先師上香參拜，除咗祈求取得佳績，亦可加深對此教育理念嘅理解，對前程有所啟悟。
「金榜留名」 獲取福牌
凡公開試考生(包括DSE、內地高考、IB國際文憑考試)在「金榜留名卷軸」上留名及祈願，可獲贈福牌乙個。福牌共分為「旗開得勝」及「5**前程似錦」兩款，設計上附有鏈扣，除了寄語祝福，亦方便考生日常攜帶以作自勉。
集氣祈願 靜心備戰
考生及家長可在「考生許願牆」上寫下願望，既求庇佑，亦昭信心；亦可放電子祈願天燈，祝願成績節節上升。此外，考生亦可參與抄經工作坊，以放鬆心情、沉靜思緒以迎接考試。
大仙祝福 加油打氣
凡DSE考生本人出示准考證(正本/副本/電子檔，即可獲發含有「大仙利是」等祝福小禮物嘅「考生打氣包」，以作祝福鼓勵。
大仙祠初一、十五延長開放 園內散心放鬆心情
嗇色園黃大仙祠每逢初一、十五都會延長開放至晚上9時，讓善信一覽黃大仙祠夜景。而每逢臨近 DSE 考試季節，本園均會趁初一、十五晚上開放期間舉辦「公開試迎戰之夜」，以供考生入園參神，祈求考試成績如願。 此活動由「嗇色園中央義工團」全力策劃，現時嗇色園中央義 工團義工人數已超過1000 人，主要支援嗇色園的各項大型活動、慈善工作發展，透過義工服務，發揚黃大仙師「普濟勸善」 的精神。
《你和義工有個約會—公開試迎戰之夜》活動詳情
日期：3月19日(星期四)，4月2日(星期四)，4月17日(星期五) （農曆二月初一、十五，及三月初一）
時間：下午6時至晚上9時 （當天黃大仙祠由早上7時30分開放至晚上9時； 最後入場時間為晚上8時30分）
地點：嗇色園黃大仙祠
圖片及資料來源：
嗇色園黃大仙祠