終於都有消息帶比大家 1000個KF94囗罩 成功到手 PURE會連同300支消毒殺菌搓手液送比有需要嘅人 係公布派發之前 真係有小小有感而發 見盡人情冷暖。
由年初三開始撲囗罩 其實公司一向做自家生產品牌 老實講我真係好少係工作上求人 今次係我第一次 初三我問韓國囗罩價7蚊一個 然後加價$12 跟住再加$25 然後扣哂係關囗 唔送香港。我再問日本嗰邊 1800日元5個 太誇張 唔會考慮。直到有一個同我一樣咁儍嘅人 佢咁啱係韓國 佢走去批發市場同我揾囗罩 Create 老闆娘 一路揾一路報價比我 實情韓國都不停加價 最後我都係用一個唔係平價嘅價錢買咗番嚟 因為 Create老闆娘知道囗罩係拎去轉贈比有需要嘅人 所以佢一蚊都唔賺我 人手抬番香港比我 你話係咪應該要多謝佢？ 大家幫手入去Like佢個Page 生意難做 佢賣韓國衫架 啲衫都幾靚架。
其實點解大家都咁落力 因為我哋都係睇唔過眼! 呢個疫情真係好多人都可以做得出好心寒嘅事 有商人派囗罩 然後長者排通宵 到最後拎到個口罩 薄到透光! 又眼見有啲公司為咗拎Data 話派搓手液 囗罩之類 要客人Like&Share 又要Download App 填個人資料 又要有QR Code 拎盡Data ，如果真心幫人應該係方便人地唔係方便自己 唔應該有目的 囗講幫人 實際上拎Data 呢啲手法令人心寒。知道零售市道差到一個點 全香港都陪跑 但做生意要有職業道德。 呢個時候係真正要互相幫忙。
到我收到囗罩我又有好多顧慮因素到底應該點派係最好。 如果放喺舖頭派 我嘅顧慮如下：
✔首先長者先要帶住一個囗罩嚟派隊 嚟拎你幾個囗罩，佢會浪費佢自己一個囗罩
✔佢哋又可能涯通宵 我最唔想見到
✔排隊嘅人龍會阻住其他商户做生意
✔派到最後一個 佢冇嘅時候 浪費了佢嘅時間 又令佢失望 我又應該點做？
✔怕混亂 怕有人搶囗罩
✔有啲長者及長期病患係連排隊嘅能力都冇
囗罩買番嚟咁貴我真係好唔想浪費 想真係比到有需要嘅人 而我嘅顧慮真係有好多 所以我揾咗一個機構幫我 工程及醫療工作協會 佢哋專為獨居老人及長期病患者服務 我哋會合作將囗罩及搓手液送上門及派飯比佢哋 咁樣就安心啦。
所以我哋嘅分配囗罩如下：
1. 連同工程及醫療工作協會派發給獨居長者及長期病患者。
2. 我會用$5 一個價錢賣比係公立醫院前線嘅醫護人員 ( 我聽說他們不可以接受捐贈 所以用一個平價價錢買畀佢哋) 由明天開始 必須出示pass 每位醫護人員可買五個。只限觀塘分店：
觀塘巧明街111號 富利廣場1102室
公司名：PURE start from natural
我一個人嘅能力有限 希望其他人都可以互相幫忙。 喺度衷心祝福各位平安度過呢一場疫情 特別係一班係公院工作嘅醫護人員。
係度要多謝好多有心人 當我公布了有機會有囗罩派發 好多熱心市民inbox我幫忙 亦都有人話要捐錢 但係我唔係慈善機構所以我唔可以收大家嘅捐款 所以要捐嘅就捐口罩啦 我哋會轉贈俾工程及醫療工作協會。
Belle Kwong
PURE
圖片及資料來源：
PURE start from natural
緊貼JetsoBear Facebook，唔好錯過著數情報。
JetsoBear網單純搜羅著數情報及報道內容，對買賣雙方的交易不會負責。JetsoBear於本網站中的角色只是為你提供資訊及商戶連結，而並非買賣一方或其代表或代理。所有資料根據連結內商戶直接提供為準，商戶並可能隨時更改。