今日終於有時間拆開UV機啦！呢部機其實三月尾已經到咗廠房，一直都擱置咗佢，冇試過機！今日就係花咗短短的15分鐘開佢出嚟撳下掣先又幾好玩喎！
呢部UV機拎黎做乜大家又知唔知？其實所有Simply Mask做完嘅口罩，Simply Mask都會經過呢部UV機消毒先再包裝！
不過，其實製造口罩過程裏面，都分開咗幾個程序去潔淨口罩原料材同消毒口罩製成品！呢個只係其中一部份嘅小插曲。
唔好錯過口罩消息： bit.ly/2T4Wjuj
至於大家最關注嘅訂貨問題，Simply Mask每日都收到無數咁多嘅inbox! Simply Mask喺度重新再講多一次！
【過去相關內容】港產 Simply Mask 多色口罩 5月底有售 每盒$99/50個
五月中Facebook會有一條link俾你登入Google form ，大家只需要填妥Google form上面嘅個人資料，交返畀我哋就可以！收到你哋嘅登記之後，Simply Mask會去派籌俾每一個登記嘅人。每人都會收到一個SMS通知你地購買時間及登記編號！只要你哋準時去到Simply Mask嘅網頁購買同俾錢就得㗎啦！千祈唔好過期，不設補籌。付款購買後嘅七個工作天，你哋就可以收到你哋嘅貨品！
你哋可以選擇順豐到付、智能櫃自取及Circle K 自取。
另外為咗每一個人都可以買到自己鍾意顏色嘅機會，Simply Mask決定咗每人每次只限購買三盒，每個呎吋的每隻顏色只限一盒！例如：大人呎吋揀左紫色同粉紅色，顧客依然都可以喺中童尺寸揀粉紅色！
每次完成訂購後，需要隔三十日後先可以再購買（付款日計三十天後）。
Simply Mask希望以上嘅安排大家都會覺得公平！雖然呢個安排未必係最完美，但係Simply Mask盡量希望每一個人都唔需要再爭再鬥快，只要登記攞籌就可以買到！而且人人都可以有機會買到自己鍾意嘅顏色！
希望今次解釋夠詳盡，大家唔好再擔心係咪鬥快啦！
網購需留意風險，尤其是要先付款。買家需要向店方查詢清楚，了解口罩發貨時間、口罩質素和真偽，並要衡量購買風險，才好付款，免有金錢損失。建議面交才付款，並即場檢查口罩。著數熊網單純內容報道，對買賣雙方的交易不會負責。
圖片及資料來源：
Simply Mask