【仁愛堂線上賣旗籌款2022】正式開始
仁愛堂線上賣旗籌款2022今日正式開始！各位善長由即日起至6月15日喺「仁愛眾籌」平台用信用卡／銀聯／轉數快／PayMe捐款，即可獲得「仁愛堂 x 胡氏這一家」10款WhatsApp Sticker電子旗，向身邊親朋好友發放愛同正能量，互相關懷，打打氣！凡捐款港幣100元或以上，仲可以獲得限量版金旗香薰口罩貼套裝一套，可以貼喺口罩上面做裝飾之餘，仲散發陣陣香氣，就算日日戴口罩都唔會覺得侷促！
今次活動籌得嘅善款將會撥捐「仁愛堂『仁間有愛』應急錢計劃」，幫助因為意外或災難受影響嘅家庭，向佢哋提供即時嘅經濟援助。快啲叫埋一家大細，齊齊捐款，幫助有需要嘅家庭！
賣旗又點少得義工嘅支持呢～為咗集合眾人力量，齊齊幫仁愛堂籌更多善款，我哋歡迎你加入成為線上義工🫂！只要你有智能手機，都可以足不出戶做義工，邀請你身邊嘅朋友買旗，募捐達港幣200元嘅線上義工可以獲得義工嘉許狀㗎！學校、機構、企業成功招募到10個義工或以上，都可以獲得感謝狀。
立即報名：
個人：( forms.gle/iBRHnU882sJoiBNs6 )
學校／機構／企業：( forms.gle/PJ3PsTJJc8CQUzTG8 )
活動詳情：( yot.org.hk/?r=site/page&id=72&nid=1754 )
緊貼JetsoBear Facebook，唔好錯過著數情報。
JetsoBear網單純搜羅著數情報及報道內容，對買賣雙方的交易不會負責。JetsoBear於本網站中的角色只是為你提供資訊及商戶連結，而並非買賣一方或其代表或代理。所有資料根據連結內商戶直接提供為準，商戶並可能隨時更改。
圖片及資料來源：
Yan Oi Tong 仁愛堂