【5.18-19世界定向週嘉年華@獅子會自然教育中心】
上年舉行嘅「定向郊野」體驗活動系列非常受歡迎，唔少郊友都問幾時再有得玩！機會嚟喇！
漁護署會再次聯同中國香港定向總會 Orienteering Association of Hong Kong, China 喺5月18、19日喺獅子會自然教育中心舉行「世界定向週嘉年華」！
定向活動任何年齡都啱玩，除咗培養觀察同應變能力，仲可以提升體能同對運動嘅興趣，以有趣嘅方式體驗大自然！
今次嘉年華當然繼續有小朋友大愛嘅「定向迷宮」同埋「沿繩定向」，啱初學者嘅短途定向路線，同埋電子計時系統即時知道成績。定向總會亦派出中國香港定向代表隊同教練註場分享定向技巧和心得。現場亦有一系列「行山有道」遊戲攤位比大家學習山系禮儀，仲有會場限定紀念品！
「世界定向郊野體驗日」費用全免，當日亦提供接駁巴士方便大家嚟玩！快啲mark 定5月18同19日，到時見 ！
世界定向週嘉年華
日期： 2024年5月18 及19日（兩日活動內容相同）
時間：上午10時至下午4時
地點：西貢獅子會自然教育中心
緊貼JetsoBear Facebook，唔好錯過著數情報。
JetsoBear網單純搜羅著數情報及報道內容，對買賣雙方的交易不會負責。JetsoBear於本網站中的角色只是為你提供資訊及商戶連結，而並非買賣一方或其代表或代理。所有資料根據連結內商戶直接提供為準，商戶並可能隨時更改。
圖片及資料來源：
香港郊野公園 Hong Kong Country Parks
世界定向週嘉年華 遊戲攤位、限定紀念品 was last modified: May 17th, 2024 by