萬寧免費心理健康諮詢

萬寧全新「心理健康諮詢」 會在你心邊

近年大家對健康嘅定義唔再限於體魄、身體機能嘅健康，更會兼顧精神健康以達至全面嘅身心健康。萬寧一直設有由註冊藥劑師、營養師、健康大使等組成嘅專業健康團隊，提供全方位健康諮詢服務，全力守護社區健康。

由即日起，萬寧與本地精神健康慈善機構 – 香港心聆 Mind HK 合作，於指定萬寧藥房提供免費「心理健康諮詢」*，爲全港首間提供免費心理健康諮詢服務嘅連鎖社區藥房。希望透過心理支援， 喺大家心邊，進一步守護社區嘅身心健康！

心理健康諮詢服務由香港心聆(Mind HK) 所培訓嘅心理健康主任跟進，先喺指定萬寧分店進行初步會面以了解你當下嘅情緒狀態同需要，之後會根據相關情況進行評估，及作出適切嘅心理輔導。如有需要，心理健康主任亦會提供免費嘅後續跟進。所有談話内容及個人資料會被保密。

如果你都想了解多啲自己嘅情緒健康狀態同需要，即刻click 入嚟了解更多或報名^到以下指定萬寧分店同心理健康主任傾吓啦！

萬寧免費「心理健康諮詢」指定分店：
– 鰂魚涌英皇道979號太古坊康橋大廈地下A舖
– 銅鑼灣謝菲道517號地下B舖Shop B
– 中環港景街1號國際金融中心商場第二層2004號
– 尖沙咀廣東道33號中港城地下11及11A號舖
– 上水龍運街8號新都廣場106a號舖

*此服務並不適合被診斷有嚴重或複雜精神健康問題之人士，心理健康主任在必要時會為服務使用者提供社區內不同精神健康服務的資料，例如社工、臨床心理學家或精神科醫生等。
^報名時須填寫有關表格以評估是否適合參與計劃。